रविवार दिनांक २३ जानेवारीच्या सूचना
- सामान्य काळातील ३ रा रविवार.
- आज मिस्साचे आयोजन व चर्च सफाई प्रथम ख्रिस्तशरीर संस्कार स्वीकारणाऱ्या मुलामुलींनी व त्यांच्या पालकांनी केले. पुढील रविवारी आयोजन व चर्च सफाई फातिमा माता लेन डोंगरी गावपरिवाराचे असेल. पुढील रविवारी नेहमीप्रमाणे सकाळी ६ व ७.३० वाजता मराठी मिस्सा व ८.४५ वाजता इंग्रजी मिस्सा असतील.
- गुरुवार दिनांक २७ जानेवारी रोजी संध्याकाळी ७.३० वाजता पालखाडी चॅपेलमध्ये मिस्सा असेल.
- येत्या शुक्रवारी इरमित्रीवर संध्याकाळी ६ वाजता मिस्सा असेल. आयोजन व सफाई फातिमा माता आनंदनगर गावपरिवाराचे असेल.
- आज आपल्या धर्मग्रामातील ३३ मुलामुलींनी प्रथम ख्रिस्तशरीर संस्कार स्वीकारलेला आहे. त्यांचे व त्यांच्या कुटुंबियांचे अभिनंदन.
- उद्या सोमवारी संध्याकाळी मिस्सानंतर पवित्र आत्म्याची प्रार्थना असेल.
- मंगळवार दिनांक २५ जानेवारी रोजी संत पौलाच्या परिवर्तनाचा सण साजरा केला जाईल.
- बुधवार दिनांक २६ जानेवारी, आपल्या देशाचा प्रजासत्ताक दिन. त्यादिवशी सकाळी ६ वाजता पहिली मिस्सा असेल व सकाळी ७ वाजता दुसरी मिस्सा असेल. सकाळी ७ च्या मिस्सानंतर शाळेत झेंडावंदन होईल. त्यादिवशी संध्याकाळी मिस्सा होणार नाही ह्याची कृपया नोंद घ्यावी.
- फा. अजित व आपल्या घाट समितीचे काही सदस्य उद्या सोमवारी तामिळनाडूला देवळाचा घाट पाहण्यास व बुक करण्यास जात आहेत. त्यांचा प्रवास व काम चांगल्या प्रकारे व्हावे म्हणून आपण त्यांच्यासाठी प्रार्थना करावी.
- उद्या सोमवारी सकाळी ९.३० वाजता घाट समितीची सभा होईल.
- प्रेरणा सेवा केंद्राच्या माध्यमातून शेतकरी, भाजीपाला विक्रेते, घरकाम करणाऱ्या महिला, रिक्षा चालक व असंघटित क्षेत्रातील कामगारांसाठी शासनाची इ श्रम कार्ड काढण्याची सुविधा मंगळवार दिनांक २५ जानेवारी २०२२ रोजी सकाळी १० ते संध्याकाळी ५ वाजेपर्यंत आपल्या चर्च हॉलमध्ये उपलब्ध असेल. येताना सोबत आधार कार्ड व बँक पासबुक घेऊन येणे. कार्डछपाईसाठी फी रु. १००/- मात्र असेल.
