रविवार दिनांक २० फेब्रुवारीच्या सूचना
- सामान्य काळातील ७ वा रविवार.
- आज मिस्साचे आयोजन व चर्च सफाई सेंट जॉन बॅप्टिस्ट गावपरिवार तारोडी ह्यांनी केले. पुढील रविवारी मिस्साचे आयोजन व सफाई बेथलेहेम गावपरिवार, तारोडी ह्यांचे असेल.
- शुक्रवारी इरमित्रीवर मिस्साचे आयोजन व चर्च सफाई संत फ्रान्सिस झेवियर पालखाडी गावपरिवाराने केली. येत्या शुक्रवारी आयोजन व सफाई वेलंकनी माता खाडीवर गावपरिवाराचे असेल.
- गुरुवारी संध्याकाळी ७.३० वाजता संत फ्रान्सिस झेवियर, पालखाडी चॅपेलमध्ये मिस्सा असेल.
- मंगळवार दिनांक २२ फेब्रूवारी रोजी संत पेत्राच्या अधिकाराचा सण, बुधवार दिनांक २३ फेब्रूवारी रोजी संत पॉलीकार्पचा स्मृतिदिन व शुक्रवार दिनांक २५ फेब्रूवारी रोजी धन्यवादित सिस्टर राणी मारियाचा स्मृतिदिन साजरा केला जाईल.
- बुधवारी संध्याकाळी ७.३० वाजता प्रॉपर्टी कमिटीची सभा असेल. शुक्रवारी संध्याकाळी ७.३० वाजता इरमित्री कमिटीची सभा असेल. ज्यांनी इरमित्री कमिटीसाठी नावे दिलेली आहेत व ज्यांना ह्या कमिटीवर कार्य करायचे असेल त्यांनी शुक्रवारी कृपया मीटिंगला यावे.
- सन्माननीय कार्डिनल साहेबांच्या आदेशानुसार सध्याच्या पॅरिश कौन्सिलचा कार्यकाळ आणखी एका वर्षाने वाढवण्यात आलेला आहे. त्यामुळे ह्यावर्षी पॅरिश कौन्सिलची निवडणूक होणार नाही.
- संत फ्रान्सिस असिसी, एल्कनपाडा आरिवर गावपरिवाराची जनरल सभा मंगळवार दिनांक २२ फेब्रूवारी रोजी रात्री ८ वाजता त्यांच्या ग्रोटोजवळ घेण्यात येईल. फादर ह्या सभेला उपस्थित असतील.
- गावपरिवारांनी आपापल्या जनरल सभा घेऊन उपवासकाळाची तयारी करावी हि विनंती.
- रविवार दिनांक २० मार्च ते शुक्रवार दिनांक २५ मार्चपर्यंत आपल्या पॅरिशमध्ये रिडम्प्टरिस्ट फादर मिशन देतील. त्यादिवसांत कोणी क्रुसाच्या वाटेची भक्ती अथवा अन्य तीर्थयात्रा आयोजित करू नये.
- सेंटर फॉर सोशल ऍक्शन व नवजीवन सोशल फाउंडेशनच्या संयुक्त माध्यमाने मिस्सानंतर ट्रायबल लोकांनी बनवलेले विविध सामान व वस्तू विक्रीसाठी चर्च आवारात उपलब्ध असतील. इच्छुकांनी लाभ घ्यावा
- गुरुवार दिनांक २४ फेब्रूवारी रोजी मोफत डोळे तसेच डायबेटीस व रक्त तपासणी शिबीर चर्च हॉलमध्ये आयोजित करण्यात आलेले आहे. मोतीबिंदूच्या मोफत शस्त्रक्रियेची सोय केली जाईल. गरजूंनी लाभ घ्यावा.
- देवळाचा घाट बनवण्याच्या अंतिम टप्प्यात असून १० मार्चपर्यंत आपल्याला घाट मिळण्याची शक्यता आहे.
- कृपया सर्वांनी आपला समाज कल्याण निधी वेळेवर भरावा हि विनंती.
- पूढील रविवारी सकाळी ७.३० वाजता स्व. जॉन सॅबेस्टियन ग्रेशियस ह्यांच्या वार्षिक स्मृतिदिनाची मिस्सा असेल.
