रविवार दिनांक ०९ जानेवारी २०२२ च्या सूचना
- प्रभू येशूच्या बाप्तिस्माचा सण व आपल्या पॅरिशची आश्रयदाती बेलेन मावली हिच्या नोव्हेनाचा ३ रा दिवस. आता एसव्हीपीसाठी दुसरे दान घेण्यात येईल.
- उद्यापासून आपण उपासनेतील सामान्य काळाला सुरुवात करीत आहोत. आपापल्या घरातले व गावपरिवारातले नाताळ गोठे आपण काढू शकता.
- उद्या सोमवार असला तरी नोव्हेना चालू असल्याने सकाळी ५.३५ वाजता रोझरी व तदनंतर मिस्सा व नोव्हेना असेल. संध्याकाळी नेहमीप्रमाणे नोव्हेनाची मिस्सा असेल.
- पुढील रविवारी आपण आपल्या धर्मग्रामाची आश्रयदाती बेलेन मावलीचा सण म्हणजेच आपल्या पॅरिशचा सण साजरा करीत आहोत. त्यादिवशी सकाळी ६ वाजता पहिली मिस्सा व ८ वाजता सणाची मिस्सा असेल. मिस्साचे आयोजन व चर्च सफाई पॅरिश कौन्सिलचे सभासद करतील.
- कोरोनाच्या वाढत्या प्रादुर्भावामुळे आपण बेथलेहेम फेस्त व सहभोजन पुढे ढकललेले आहे ह्याची कृपया नोंद घ्यावी. त्याचप्रमाणे सध्या फक्त अत्यावश्यक कामासाठीच फादरांना भेटायला यावे हि विनंती. भेटायला येण्यापूर्वी फादरांना फोन करावा.
- पुढील रविवारी पाचारण रविवार म्हणून देखील साजरा केला जाईल. प्रभूच्या मळ्यात कार्य करण्यास अधिकाधिक तरुण तरुणींनी पुढे यावे म्हणून आपण प्रार्थना करूया.
- ह्या वर्षांपासून समाज कल्याण निधी हा मासिक रु. १००/- केलेला आहे. सर्वांनी समाज कल्याण निधी भरून सहकार्य करावे हि विनंती.
