रविवार दिनांक २८ नोव्हेंबर २०२१ च्या सूचना!
- आगमन काळातील पहिला रविवार.
- आज मिस्साचे आयोजन व चर्च सफाई फातिमा माता समाज तलावली गावपरिवाराने केली. येत्या रविवार मिस्साचे आयोजन व सफाई संत फ्रान्सिस झेवियर, पालखाडी गावपरिवाराचे असेल.
- येणारा शुक्रवार हा महिन्याचा पहिला शुक्रवार असल्याने इरमित्रीवर मिस्सा होणार नाही. येथे मुख्य देवळात संध्याकाळी ६ वाजता अतिपवित्र सॅक्रामेंताची आराधना व तदनंतर मिस्सा असेल. आराधनेचे आयोजन स्त्रियांची सोड्यालीटी व लीजन ऑफ मेरीचे सभासद करतील.
- मंगळवार दिनांक ३० नोव्हेंबर रोजी संत अँड्रू, प्रेषित ह्यांचा सण व शुक्रवार दिनांक ३ डिसेंबर रोजी संत फ्रान्सिस झेवियरचा सण साजरा केला जाईल.
- शुक्रवार दिनांक ३ डिसेंबर रोजी संत फ्रान्सिस झेवियर, पालखाडी गावपरिवार आपल्या आश्रयदात्याच्या सण साजरा करीत आहेत. त्यादिवशी संध्याकाळी ७.३० वाजता त्यांच्या चॅपेलमध्ये सणाची मिस्सा असेल. सर्वांना प्रेमाचे आमंत्रण.
- पुढील रविवारी सकाळी ८.४५ वाजता लग्नाची मिस्सा असल्याने मिस्सा मराठीत असेल.
- यंदा आपण विभागवार गोठा व स्टार कॉम्पिटिशन घेणार आहोत. गोठ्यासाठी विषय आहे “महामारीत ख्रिस्तावरील श्रद्धा आमचा आधार”. स्टारचा विषय ओपन राहील. अधिक सविस्तर माहिती पॅरिश कौन्सिल मेम्बर्सना दिली जाईल.
- सोमवार दिनांक ६ डिसेंबर रोजी माननीय बिशप बार्थोल बॅरेटो आपल्या धर्मग्रामाला पाळकीय भेट देतील. त्यादिवशी ते पॅरिश कौन्सिल, फायनान्स व प्रॉपर्टी कमिटी व युवक संघटनेची सभा घेतील. वेळा पुढील रविवारी कळवल्या जातील.
- आज संध्याकाळी ५ वाजता वेलंकनी माता खाडीवर गावपरिवाराची व मंगळवारी रात्री ८ वाजता आनंदनगर गावपरिवाराची जनरल सभा असेल. प्रत्येक कुटुंबातून किमान एक व्यक्ती ह्या सभेला हजर राहणे गरजेचे आहे.
- मुक्तिसागर प्रबोधन केंद्राने प्रकाशित केलेली बायबल दैनंदिनी विक्रीसाठी उपलब्ध आहे. हि आपल्या मुंबई सरधर्मप्रांताची अधिकृत मराठी बायबल डायरी आहे त्यामुळे जास्तीत जास्त लोकांनी ती घ्यावी हि विनंती.
- मागील रविवारचे दान रु. ११,५०१/-, इरमित्रीसाठी देणगी रु. ५,०००/- देणार फिलिप इनास फर्नांडिस, वसई, समाज कल्याण निधी रु. ६००/- देणार संत गोन्सालो गार्सीया गावपरिवार, कुंभारवाडा, वेदिसाठी फुले देणार क्लेरिसा व ली.
- येत्या बुधवारी सकाळी ६ वाजता स्व. निकलस इनास घर्शी व संध्याकाळी ६ वाजता स्व. मेरी इमानुएल ह्यांच्या सातव्याची मिस्सा व येत्या रविवारी सकाळी ७.३० वाजता स्व. मॅटिव्ह अंतोन मुनीस ह्यांच्या वार्षिक स्मृतिदिनाची मिस्सा असेल.
