रविवार दिनांक १४ नोव्हेंबरच्या सूचना
- सामान्य काळातील ३३ वा रविवार
- आज मिस्साचे आयोजन व चर्च सफाई बेथलेहेम गावपरिवार, तारोडी, ह्यांनी केले. येत्या रविवारी चर्च सफाई व मिस्साचे आयोजन वेलंकनी माता, खाडीवर गावपरिवाराचे असेल.
- इरमित्रीवर १३ तारखेला आयोजन व सफाई फातिमा माता लेन, डोंगरी गावपरिवाराने केली. येत्या शुक्रवारी ईरमित्रीवर मिस्साचे आयोजन व चर्च सफाई फातिमा माता शांतीनगर गावपरिवाराचे असेल.
- येत्या रविवारी आपण ख्रिस्तराजाचा सण साजरा करीत आहोत. शनिवारी संध्याकाळी ७ वाजता व रविवारी सकाळी ६, ७.३० वाजता मराठी व ८.४५ वाजता इंग्रजी मिस्सा असतील. इंग्रजी मिस्सानंतर संध्याकाळपर्यंत अतिपवित्र साक्रामेंताची आराधना गावपरिवारांतर्फे करण्यात येईल. संध्याकाळी अतिपवित्र साक्रमेंताची मिरवणूक असेल. अधिक माहिती पुढील रविवारी देण्यात येईल व आपल्या वेबसाइट वर टाकण्यात येईल.
- गुरुवार दिनांक १८ नोव्हेंबर रोजी वेलंकनी माता चॅपल खाडीवर येथे संध्याकाळी ७.३० वाजता मिस्सा असेल.
- शुक्रवार दिनांक १९ नोव्हेंबर रोजी रात्री ८ वाजता संत फ्रान्सिस असिसी एल्कनपाडा गावपरिवाराची जनरल सभा असेल. प्रत्येक कुटुंबातून किमान एक व्यक्ती ह्या सभेस हजर राहणे कंपलसरी असेल.
- प्रेषितांच्या विश्वसंगीकारावर आधारित “मी श्रद्धा ठेवितो” हे फादर संदीप कोशाव ह्यांचे पुस्तक विक्रीसाठी उपलब्ध आहे. किंमत रु. ८०/- मात्र. इच्छुकांनी चर्च कार्यालयातून घेऊन जावे.
- ब्र. मेलबॉर्न पोशापीर आजपासून दर शनिवार रविवार युवकार्यासाठी आपल्या पॅरिश मध्ये येणार आहेत. त्यांचे स्वागत! युवकांनी त्यांच्या संपर्कात राहून कार्य करावे हि विनंती.
- फादर बोनाव्हेंचर जनजागृती संघातर्फे आज दुपारी २.३० ते संध्याकाळी ६ वाजेपर्यंत कॅरम कॉम्पेटीशन चर्च हॉलमध्ये घेण्यात येईल. १० गावपरिवार ह्या स्पर्धेत सहभागी होणार आहेत. सर्वांना आमंत्रण!
- विवाहाच्या घोषणा ह्यापुढे आपल्या चर्चच्या वेबसाईटवर देखील टाकल्या जातील. त्याचप्रमाणे सर्व महत्वाच्या सूचना व आठवड्यातील कार्यक्रम आपल्या वेबसाईट वर टाकले जातात. कृपया त्याचा लाभ घ्यावा.
- आज सकाळी ८.४५ च्या मिस्सानंतर संडे स्कुल शिक्षकांतर्फे बालक दिवस साजरा केला जाईल.
- चर्चच्या घाटासाठी नेमलेल्या समितीची सभा बुधवार दिनांक १७ नोव्हेंबर रोजी संध्याकाळी ७.३० वाजता असेल.
